Sterk NK-representasjon i ny bok om smykkekunst!
NK står sterkt representert i den nye boka til Jorunn Veiteberg, som har samla smykker og gjenstandar frå nesten 50 år. 210 smykkekunstnarar frå 30 ulike land er representert, og me i NK har sjølvsagt leita fram medlemmene våre. Sjå fullstendig lista lengre ned i saken!
Nyleg kom boka Smykkeskrinet av Jorunn Veiteberg ut. Veiteberg er kunsthistorikar og forfattar, og har sidan tenåra vore ein ivrig smykkesamlar. Boka tar føre seg kvifor Veiteberg byrja å samla, samt kva som gjer smykke så fasinerande som samleobjekt og kunstnarleg medium.
Veitebergs samling dekkjer nesten femti år og inneheld 550 gjenstandar! 210 smykkekunstnarar frå 30 ulike land er representert, og blant desse finner me sjølvsagt ein god dose NK-medlemmer. Nokre av smykka er masseproduserte, medan andre er unike kunstverk. Boka er Veitebergs personlege historie, men boka er også meint som eit bidrag til nyare kunsthandverkshistorie.
Boka kostar kr 499 og fås kjøpt her eller sjekk ut di lokale bokhandel.
Publisert
Sist oppdatert
Kategorier
Nyheter