Samarbeidet Barmen & Brekke tok til i 2015, og er tufta på ei felles interesse for handverk, material og tradisjonelle teknikkar. Barmen & Brekke kombinerer materiala keramikk og tre og lagar gjenstander i skjæringspunktet design og kunsthandverk. Arbeida deira har fleire gonger vore vist under Milan Design Week samt ved ei rekke norske utstillingar, og vert selt på museumsbutikkar i inn- og utland som KODE, kunstmuseene i Bergen, Nasjonalmuseets butikk i Nasjonalgalleriet, og Metropolitan Museum of Art i New York. Serien Make, blei nominert til Bo Bedres designpris i kategorien kunsthåndverk i 2017.

www.barmenbrekke.no, @barmenbrekke. Foto Barmen & Brekke, Siren Lauvdal og Bjørn Johan Stenersen.

Keramisk readymade i form av gamalt porselen og fajanse som utgangspunkt for transformasjon og reproduksjon. Historiane ein gjenstand ber med seg kan koplast til aktuelle samfunnsproblem, og ho ynskjer å setje objekta i ein større historisk og politisk samanheng for å skape ny forståing rundt dei. Gjennom analyse av tingas kulturhistoriske, materielle og estetiske sider knytter ho dei opp til ein bodskap basert på samtida, og let dei slik inngå i ein diskusjon om aktuelle problemstillingar i verda me lev i. Ved gjenbruk av gjenstander, tekst og ytringar skapar ho verk der fortid og notid møtest, og skiljet mellom høg- og lågkultur vert oppheva. Tekstane ho bruker i arbeida Tableware Stories og The Jump har ho henta frå diskusjonsfora på internett. Plakatane i demonstrasjonstoget Conversation Piece har fått sitat frå kjente figurer i historien, blant anna frå Mahatma Ghandi, Mor Theresa og Henry David Thoreau.