Eg har utdanninga mi frå Kunsthøgskulen i Bergen, seksjon for tekstil. Hovudfaget vart avslutta i 2000. Eg arbeider primært med utstillingar men har også hatt fleire større utsmykkingar. Hovedsaklig arbeider eg med store veggtekstilar, men også med tekstile objekt og seriar i mindre format. Tekstilane speglar samtidige problemstillingar med fokus på urett, oppløysing og øydelegging. Vi lever i ei tid der mykje kjennast usikkert og kaotisk. Naturen er i endring og mykje av det faste, nære og trygge forvitrar. Dette påtrengande bilete ønskjer eg å seie noko om. Eg ønskjer både å peike på aktuelle hendingar og spesifikke kjensler knytt til denne uroa.