Kari Selnes

Eg er stofftrykkar og eg arbeider litt gammaldags og langsamt. Handverket og estetikken står i fokus i mitt arbeid, for meg er det viktig heile vegen - frå idé, teikning, overføring til ramme og til sjølve trykkinga. Ramme, rakel og remazol er min kvardag. Min hovedinspirasjon til motiv er natur - former og fargar, vekstar og dyr. Er også oppteken av det dekorative, ornament m.m. Fascinerande med repetitive rapportar og mønster. Mine arbeid er nok helst vendt mot det vakre og dekorative. Eg arbeider utifrå kvite eller naturfarga tekstil i bomull, lin, ull og silke. Mine produkt er veggtekstil, puter, løparar, skjerf m.m. Dei siste åra har eg tatt for meg gamle skisseteikningar og overfører dei til broderte bilde.