Linda Flø

Eg jobber med keramisk skulptur og relieff, og tenker gjerne på praksisen min som ei form for omvendt gruvedrift. Gjennom brenning av leire, mineral og sand, dannast ny stein – ei form for keramisk geologi. Eg brukar både kommersielle geologiske varer og funne stein og sand, blant anna avgangsmasser frå gruvedrift. Gruveavfallet vert til verktøy for å hamre tekstur inn i leira eller det vert knust til glasuringrediensar. Hovedinteressen min ligg på keramisk glasur og overflate, og eg trives i ei tilnærming i skjæringspunktet mellom systematiske undersøkingar og kunstnerisk intuisjon. Arbeidet informerast av mytologi, naturvitenskap, nymaterialisme og kroppsleg erfaring.