Det som var og det som er

2016
UTSTILLING SKUR 2, Stavanger. Eg er inspirert av det som lever vidare etter dei som ikkje lenger finst, og kva form det får. Er oppteken av tida som er forbi i eige liv, og kva me hugsar. Kjolar vert dekka med porselen, kjolen brenn bort, bare hylsteret er att. Dei mjuke tekstile foldene vert omdanna, framkalla i eit nytt materiale. Kjolen forsvinn, samstundes vert den foreviga. Her er relieff med avtrykk av ulike tekstilar, ein ser bare spor av noko som var. Slik kan ein "sjå" personar som har brukt desse tinga, sjå form, kjenna lukt, høyra lyd. Foto:Tore Wiig

Sandnes kunstforening

2015
Utstillinga i Sandnes kunstforening har fått tittelen Stemmen. Her er blant anna reir og krusedullar laga av leire, ein nattkjole og eit minne om ein hatt. Det handlar om byrjing og slutt, om å høyra til, om tida og minna. Det handlar om mors stemme i meg, om min stemme i mine arbeid. I tilknyting til utstillinga laga Synneva Erland komposisjonen "Den uanselige jubel" Medverkande: Synneva Erland, Grethe Kristine Aanestad (post mortem), Alauda Arvensis (lerka) Foto: Tore T.Wiig

Bryne kunstforening

2013
Utstillinga fekk tittelen Interaksjon. Ei hending byggjer på den føregåande, eit nytt utrykk oppstår. Frå naturen og mi samling av brev henta eg inspirasjon til denne utstillinga. Foto: Tore T.Wiig

Bryne kunstforening

2009
Utstillinga fekk tittelen Kjelde, kjelde som vatn men og som bakgrunn for inspirasjon. Gamle strikkemønster vart forenkla og omdanna til mine keramiske former. Foto: Olav Garborg